– И понатаму продолжува ДОЛГИОТ ПЕРИОД на стабилно, суво и сончево време со мала до умерена локална облачност. Ќе биде претежно тивко. Особено во ноќните, утринските и во претпладневните часови по котлините ќе има појава на магла и на ниска облачност, која понекаде би можела да се задржи во поголем дел од денот, па на тие места и максималните дневни температури ќе останат пониски.
Инаку утринските температури и понатаму понекаде ќе се спуштаат под нулата а максималните дневни температури ќе бидат НАТПРОСЕЧНО ВИСОКИ и ќе се искачуваат во интервалот од 10 до 15 степени, локално истите можно е да се искачат дури и над 15 степени.
Во Скопје продолжува ДОЛГИОТ ПЕРИОД на стабилно и суво време со магла и ниска облачност, особено во ноќните, утринските и претпладневните часови. Температурите ќе се искачуваат во интервалот помеѓу 5 и 9 степени.
За време на Новогодишната ноќ времето ќе биде стабилно и суво без врнежи, а нема да биде и многу студено. Стабилното и суво време ќе продолжи и во првите денови од новата 2023 година.
