– Нашата територија се наоѓа под влијание на стабилна и сува воздушна маса. Времето во следните денови ќе се задржи сончево и релативно топло со мала до умерена облчност за време на викендот.
Утре и во петок во утринските часови ќе биде релативно студено и температурите особено во Малешевијата ќе се спуштаат за неколку степени под нулата. Максималните температури пак ќе се искачуваат во интервалот од 17 до 24 степени.
Денес ќе дува умерен, а долж Повардарието повремено засилен ветер од северен правец и истиот ќе услови пад на максималните температури за околу 3 степени, особено од утре до сабота.
Позначителен пораст на максималните температури кој ќе бидат натпросечно високи се очекува на самиот крај од оваа, како и во почетокот на следната седмица. Во Скопје и околината продолжува стабилното, суво и сончево време.
Во четврток ќе дува умерен, повремено засилен ветер од северен правец. Наутро температурите ќе се спуштаат во интервалот помеѓу 1 и 7 степени. Максималните температури пак ќе се искачуваат во интервалот помеѓу 19 и 21 степен.
