Радио телевизија Србија (РТС) ќе поднесе тужба против фолкерот Аце Лукас поради бројни изговорени лаги и навреди кои јавно ги кажал на сметка на РТС и на главната уредничка на забавната програма, Оливера Ковачевиќ.
Имено, пејачот учествуваше на натпреварот за Песна за Евровизија (Беовизија). Лукас со песната „Оскар“ влезе во финалето, но не победи, туку триумфираше Ана Ѓуриќ, попозната како Констракта.
Разочаран од тоа што не победил како и воопшто од својот пласман на музичкиот настан, Аца го обвинил јавниот сервис дека го саботира, па потоа и тврдел дека уредничката Оливера го потплатила жирито да не му даде ниту еден глас, но и дека е искраден поради смс пораките со кои гласаше публиката, пренесува нова.рс.
