Сите трчаа и сакаа да ѝ се доближат на Северина на настапот на Велешка питијада, а само на еден човек од Скопје тоа му успеа.
Хрватската ѕвезда пееше на 11 октомври во Велес, на традиционалната манифестација Питијада и по она што е објавено по сторињата, на сликите и на видеата, фановите трчале кој прв да ѝ се доближи да се слика со неа.
Но, Северина има еден близок пријател во Македонија, а тоа е стилистот Александар Билјановски- Дадар. Тој ја шминкал Северина за овој настап, како и за претходните во Македонија и објавил заедничка слика.
Северина на концертот рече дека е бескрајно багодарна за одличниот прием и енергијата што публиката ја покажа и јасно им порача да ја чуваат Македонија.
Гостите на Фестивалот на питата и виното, како што е официјалниот наслов ги забавуваа Калиопи Бајага и „Инструктори“, „2Бона“, „Кулу леле“, Пајак, Кате и Ѓоко Ѓорчев, Анета Љумаковска, „Либеро бенд“ и Викторија Лоба, како и велешката група „Соната“, и велешанецот Мики Секуловски.
