Како и секој претходен и иден петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите секогаш се резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои сигурно нема да ве остават рамнодушни.
Power of the Dog – Филм на „Netflix“
Харизматичниот ранчер Фил буди страв и стравопочин кај луѓето околу него. Тој одговара со исмејувачка суровост кога неговиот брат ја носи дома неговата нова сопруга и нејзиниот син, но потоа се случува еден неочекуван пресврт.
Жанр: вестерн/драма / IMDB оценка: 7 / Rotten tomatoes рејтинг: 95%
Billions – Серија на „HBO“
Чак Роудс, искрен, но безмилосен американски адвокат, се впушта во егоистичка битка со кралот на хеџ-фондовите Боби „Акс“ Акселрод. Овие двајца моќници во Њујорк се обидуваат да се надминат еден со друг на конкурентниот финансиски пазар.
Жанр: драма / IMDB оценка: 8.4/ Rotten tomatoes рејтинг: 89%
True Story – Серија на „Netflix“
Застанувањето во Филаделфија, родниот град на Кид, за време на турнејата станува прашање на живот и смрт за еден од најпознатите светски комичари кога последиците од ноќта со неговиот брат се закануваат да го уништат сето она што тој го изградил.
Жанр: драма / IMDB оценка: 7.7 / Rotten tomatoes рејтинг: 50%
Phone Booth – Филм на „HBO“
Публицистот Стјуарт Шепард се соочува со животна закана кога одговара на едно мистериозно ѕвонење на телефонска говорница. Човекот од другата страна на линијата му кажува дека ќе биде застрелан во моментот кога ќе го прекине разговорот!
Жанр: психолошки трилер / IMDB оценка: 7 / Rotten tomatoes рејтинг: 72%
