Таткото на убавата млада девојка е неутешен!
Се огласи таткото на Ана Беневидес, која почина минатиот петок во Бразил пред концертот на пејачката Тејлор Свифт. Најпрво се пишуваше дека трагедијата се случила за време на настапот, но музичката ѕвезда подоцна изјавила дека сè се случило пред таа да излезе на сцената.
„Ја изгубив мојата единствена ќерка, среќна и интелигентна девојка. Следниот април требаше да дипломира психологија, штедеше пари за тоа. Немам зборови да ја изразам мојата болка. Замина од дома за да го оствари својот сон и умре“, изјави таткото на девојчето кое почина пред настапот на Тејлор Свифт за бразилскиот весник Folha de S. Paulo (преку Hindustan Times).
🚨🚨🚨TAYLOR SWIFT BREAKING NEWS!!!!!
Ana Clara Benevides, 23, fainted while at the show and is believed to have had a cardiac arrest according to her cousin, Estela Benevides, and as reported by Brazilian newspaper Fohla De Sao Paolo.
So sad R.I.P darling 🙏🙏🙏🙏🙏🙏🙏 pic.twitter.com/f4CACtbRlo— LadyTasker (@TaskerLady89977) November 18, 2023
Тој бара да се истражат околностите под кои ќерката починала: „Сакам да се утврди дали навистина било забрането да се носи вода, дали имало невнимание при пружањето помош“.
Имаше тврдења дека Тејлор Свифт му рекла на обезбедувањето дека ѝ дава вода на публиката на влезот на стадионот на кој се одржува концертот, а се појави и видео на кое се гледа како пејачката им фрла шишиња со вода на обожавателите. Таа постојано го прекинуваше настапот и бараше вода за насобраните фанови.
Како што пишува Фола де С.Пауо, Ана Беневидес се онесвестила, реанимација била извршена на стадионот и траела 40 минути, но доживеала втор срцев удар на пат кон болница. Таа починала набргу по хоспитализацијата, пишува Пејџ сикс. Тој ден во Рио де Жанеиро било 38 степени, но субјективното чувство било како живата на термометарот да е над оваа бројка.
Тејлор Свифт најави одложување на турнејата, но потоа продолжи со серија концерти.
