Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи лиснати погачки од само 2 состојки!
РЕЦЕПТ) МАРТИНА НИ НАПРАВИ ПИРОШКИ ОД ТОСТ ЛЕБ: Побрзи пирошки од овие нема никогаш да направите!
„Есен и ладни денови се перфектни за ова топло вкусно пециво. Посебно со јаболчиња и џем, милина. Првпат работев со готово замрзнато лиснато тесто, а после овој рецепт одам да го купам цело од марке. Ова е вкуснотии, па и со црвено винце уффф. Трк до продавница по лиснато и сите во кујна, одберете го вашето омилено овошје или готов џем и за 15 минути ќе имате супер интересни, брзи и највкусни погачки“, вели Мартина.
Потребни состојки:
- готово лиснато тесто
- овошје, џем
View this post on Instagram
Подготовка:
Лиснатото тесто оставете го да се одмрзне, па расукајте го на набрашнета површина. Со тањирче обележете и исечете си кругови, јас исеков 6. Краевите на секое кругче притиснете ги малку да ги раширите (ви сликнав се да видите низ сликите). На средина ставете фил по желба, сечени свежи јаболчиња на ленти каде може да наросите кафеав или бел шеќер и цимет, вашиот омилен џем (јас ставив од кајсии и јагоди и слатко од смокви), или исечете јаболчиња на коцки и пропржете ги на 1 лаж шеќер со 1 лаж вода. Тестото малку залепете го за филот како на сликите колку да не ви потече од страните, бидејќи при печење тоа ќе се отвори и ќе нарасне. Печете ги во загреана рерна на 200 С околу 15 минути. И тоа е тоа, а верувам ќе бидете воодушевени од вкусот.
