Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи пирошки од тост леб.
„Најбрзите пирошки кои некогаш ќе ги направите. Добрата работа е што може да ги правите и со лепче кое ви стои веќе неколку дена, па ова е супер начин да го искористите“
Потребни состојки:
- тост леб
- сувомеснато
- кашкавал
- јајце
View this post on Instagram
Подготовка:
Исечете ги крајчињата на парчињата леб и секое парче исукајте го со сукало. На едниот крај ставете парче сувомеснато и кашкавал, може и кечап, оригано, печурки или фил по желба. Завиткајте го лепчето и убаво потопете го во изматено јајце од сите страни.
Веднаш префрлајте ги во загреана тава со малку масло со делот каде што се поклопува одоздола. Пржете ги по неколку минутки од сите страни и тоа е тоа.
(РЕЦЕПТ) МАРТИНА НИ НАПРАВИ ДОМАШНА НУТЕЛА: Посна, мрсна, со цимет или без – Сами одлучувате!
