Раперот Тупак Шакур кој се прослави и како актер, активист и поет ќе добие постхумна почест со ѕвезда на Булеварот на славните во Холивуд следната недела во Лос Анџелес, пишуваат американските медиуми.
Тој беше убиен во пукање во автомобил во септември 1996 година.Тупак на Булеварот на славните во Холивуд ќе биде 2.758-та ѕвезда на комората.
Сестрата на раперот, Секјуа „Сет“ Шакур ќе ја прими наградата, соопштија организаторите.
Кариерата на раперот траеше само пет години, но тој има продадено над 75 милиони плочи ширум светот.
Неговиот албум „All Eyez on Me“ од 1996 година беше сертифициран за дијамант и вклучува хитови како „How Do U Want It“, „California Love (Remix)“ и „I Ain’t Mad at Cha“.
Тој беше примен во Куќата на славните на рокенролот во април 2017 година, а холограмот од него излезе на сцената на фестивалот за музика и уметност Коачела во 2012 година.
