Принцот Вилијам и Кејт Мидлтон наводно планираат да се преселат со своите деца за да бидат што е можно поблиску до кралицата Елизабета Втора, бидејќи преземаат уште поголема одговорност во кралското семејство.
Принцот Вилијам и војвотката Кетрин, како што пренесува „Daily Mail“, сериозно размислувале да направат голем чекор за нивното петчлено семејство, кое го сочинуваат принцовите Џорџ и Луис и принцезата Шарлот.
View this post on Instagram
Семејството во моментов живее помеѓу палатата Кенсингтон во Лондон и Анмер Хол во Норфолк, но тие наводно разгледувале недвижнини вклучувајќи го и Форт Белведер, кој се наоѓа кон јужниот крај на Големиот парк Виндзор.
„Анмер Хол имаше смисла додека Вилијам беше пилот на хеликоптер и беше корисно за Божик во Сандрингам, но всушност тој веќе не го прави тоа. Локацијата е премногу далеку за викендите, така што Виндзор би бил совршен компромис. Тие сега бараат можности во таа област“, рекол еден добро информиран извор.
View this post on Instagram
Исто така, неодамна беше објавено дека 95-годишната кралица Елизабета Втора планира трајно да се насели во Виндзор по враќањето од одморот во Балморал.
Кралицата и нејзиниот покоен сопруг принцот Филип, кој почина во април, го поминаа поголемиот дел од карантините поради глобална пандемија во замокот Виндзор, во близина на принцот Едвард и неговата сопруга Софи и принцот Ендру, и неговата поранешна сопруга, Сара Фергусон.
View this post on Instagram
Братот на Вилијам, принцот Хари и неговата сопруга, војвотката Меган, ја реновираа вилата Фрогмор на имотот Виндзор, но имотот сега го користат принцезата Евгенија и нејзиното семејство, откако Хари и Меган се преселија во Калифорнија минатата година.
