Како што беше најавено, војводите од Кембриџ ова лето ќе се преселат во нов дом со нивните три деца – принцот Џорџ, принцезата Шарлот и принцот Луис.
Британските медиуми пишуваат дека се е подготвено за преселување на кралското семејство од Кенсингтонската палата во нов дом надвор од Лондон. Принцот Вилијам, неговата сопруга Кејт Мидлтон и трите деца ќе се преселат во нов дом во Виндзор.
Станува збор за пространа куќа со четири соби со голема градина, поточно Adelaide Cottage во Беркшир. Причината за овој потег е да се задржи целото семејство што е можно поблиску до 96-годишната кралица Елизабета Втора, која одлучи трајно да ја замени Бакингемската палата со нејзиниот замок Виндзор.
Имотот од 1831 година е реновиран и се наоѓа на неколку минутио одење од капелата St. George, а целиот имот се простира на повеќе од 2000 квадратни метри.
„На кралицата и требаат повеќе луѓе како Вилијам околу неа. Многу често таа е сама со персоналот, па ќе биде воодушевена што Вилијам, Кејт и нејзините правнуци ќе бидат оддалечени само десетина минути од неа. Меѓу другото, петчленото семејство било ограничено околу надворешните активности во Кенсингтон“, тврдат добро упатени извори.
Наесен, осумгодишниот принц Џорџ и седумгодишната принцеза Шарлот ќе се упатат во ново локално училиште.
– Кејт и Вилијам беа многу желни за скромен дом и се многу среќни што ќе го започнат својот нов живот во Виндзор. Колибата Аделаида им одговара бидејќи е куќа со четири спални, а повеќе не им е потребно, бидејќи немаат постојан персонал на располагање – велат изворите.
