Принцот Хари тврди дека Меган Маркл во 2020 година имала спонтан абортус поради вина на новинарите, известува Пејџ сикс.
„Верувам дека мојата сопруга имаше спонтан абортус поради она што го направи Дејли меил“, рече принцот Хари во документарниот филм на Нетфликс, „Хари и Меган“.
Војводата од Сасекс мислеше на долгата правна битка што парот ја започна против весникот Дејли Меил во 2019 година поради објавувањето на личното писмо што Меган Маркл му го напишала на нејзиниот татко Томас.
Според Маркл, таа доживеала спонтан абортус првото утро во замокот во Санта Барбара во јули 2020 година.
„Значи, дали знаеме со апсолутна сигурност дека спонтан абортус е предизвикан од ова? Секако дека не знаеме, но со оглед на стресот што го предизвикаа, недостатокот на сон во времето на бременоста, можам да кажам дека спонтан абортус беше предизвикан од тоа што се обидуваа да ѝ го направат“, изјави принцот Хари.
Адвокатот на Војводите од Сасекс, Џени Афија, потврди дека за Меган Маркл ова судење било трауматично искуство.
