Девојче од Русија кое немало ни две години, било пронајдено четири дена откако се изгубило во шумата.
Људа Кузина залутала од својот дом во регионот Смоленск западно од Москва, што довело до масовна потрага во која биле вклучени стотици луѓе.
Девојчето било без храна и вода, но за среќа била пронајдена жива четири дена подоцна откако ја слушнале како лелека. Ја искасале инсекти, но била среќна што повторно била во прегратките на својата мајка.
„Рече дека повеќе нема да бега од мајка си, иако не знам колку долго ќе го памети тоа ветување“, изјавила нејзината мајка Антонина Кузина за весникот „Komsomolskaya Pravda“, пренесува „BBC“.
Откако го пронашле девојчето било однесено во болница
Људа исчезнала откако таа го напуштила семејниот дом минатиот вторник. Девојчето си играла надвор со својата 4-годишна сестра, но залутала во блиската шума додека нејзината мајка била кај соседите.
Околу 400 доброволци и полицајци се пуштиле во потрага по девојчето. Тие не можеле да ја најдат цели четири дена, додека една група не направила пауза за да се одмори околу четири километри подалеку од куќата. Тогаш слушнале некои звуци.
„Четвртиот ден ја пронајдоа во грмушки под едно дрво“, рекла мајката.
