Светски познатиот дизајнер Роберто Кавали (Кавали) на 82 години стана татко по шести пат.
Модниот дизајнер доби син заедно со неговата 45 години помлада партнерка и шведскиот модел Сандра Нилсон Бергман.
Според странските медиуми, момчето се вика Џорџо, како и таткото на Кавали. Ова име го дал токму во чест на неговиот татко, кој загинал во Втората светска војна, кога славниот дизајнер имал само четири години.
– Сандра е добро. Бебето кое се роди пред седум дена токму овде во Фиренца е прекрасно и беше навистина емотивно да се види веднаш откако се роди – изјави Кавали за медиумите.
Покрај синот кој неодамна го доби, Кавали е татко и на уште пет деца.
