Братот на британскиот актер Џулијан Сендс, кој исчезна на планинарење во Калифорнија, вели дека се помирил со фактот дека „го нема“.
Актерот беше пријавен за исчезнат во петокот, на 13 јануари, а по него се трагаше во планините Сан Габриел во Јужна Калифорнија.
Полицијата соопшти дека спасувачките екипи биле извлечени од планината минатиот викенд поради опасност од лавина, но потрагата продолжила со дрон и хеликоптер.
„Се помирив со фактот дека тој го нема и ќе морам да се помирам со тоа“, изјави Ник Сендс.
Финансискиот советник рече дека е подобро за него така, отколку да размислува за неговиот брат кој лежи повреден на планината.
Но, тој јасно стави до знаење дека трите деца и сопругата на неговиот брат се уште се надеваат дека тој ќе биде пронајден.
„Сите се уште се надеваме, претпоставувам, но во мојата глава се вртат мислите дека него го нема и дека веќе сум се збогувал со него“.
Поради непристапниот терен, актерот сè уште не е пронајден, ниту пак се откриени траги за да се утврди неговата локација, велат од Одделот на шерифот на округот Сан Бернардино.
„Потрагата ќе продолжи, ако дозволат временските и копнените услови“, додаваат тие.
