Ѕвездата на „Бриџертон“, Реџе Жан Пејџ е најубав маж на светот, според научното истражување Златен сооднос.
Според златниот пресек или совршен сооднос, Реџе-Жан Пејџ има најсовршено лице бидејќи постигнал највисока оценка за растојанието меѓу очите. Исто така, само поставувањето на очите му донесе висока оценка на скалата на совршенство.
„Тој има класично згодно лице и прекрасни кафени очи. Неговите совршено обликувани усни исто така постигнаа високи резултати, а единствениот помал резултат е ширината и должината на неговиот нос“, се вели во извештајот на Златен сооднос.
Севкупно, тој има 93.6 проценти совршен сооднос.
34-годишниот Британец го глумеше војводата од Хестингс и за многу кратко време доби милиони следачи на „Инстаграм“, а дел од популарноста секако може да се припише на сега веќе познатата секс-сцена во петтата епизода со колешката Фиби Диневор.
Тој еднаш призна дека жешките сцени во „Бриџертон“ му донеле и непријатност подоцна.
