Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес Теа со сите вас споделува рецепт за здрави енергетски бомбици од јаткасти плодови и суво овошје кои се идеални за ужинка и одличен посен десерт.
Потребни ви се 5 состојки и готови ќе бидат за 5 минути.
Потребни состојки:
100 гр. лешници100 гр. ореви100 гр. урми (свежи)100 гр. суви смокви1 лажица путер од јаткасти плодови (кикирики, лешки или бадем)
Начин на подготовка:
Сите состојки се ставаат во блендер и се блендираат додека да се добие хомогена смеса.
Од оваа смеса се прават мали топчиња и по желба се декорираат со лешници или се потопуваат во стопено темно чоколадо.
Добар апетит!
