Пејачката Каја Остојиќ минатата година се омажи по четврти пат, а судбоносното „да“ му го кажа на нејзиниот избраник, Милош Чујовиќ.
Таа зад себе има три брака, а од првиот брак со Никола Драгојловиќ има ќерка. Вториот брак со Урош Дувњак не траел долго, додека третиот со Јуниор Џек заврши по седум години.
Каја откри како реагирале нејзините бивши кога ќе им кажела дека е „готово“. Пејачката истакна дека по разводот претрпела психичко насилство од еден од поранешните партнери, но не откри за кого станува збор.
„Имав една ситуација кога ми беше потешко отколку што мислев дека ќе ми биде. Цела година ги гледав сите можни агрегатни состојби на тој човек. Од плачење, до пцуење, заканување, молење, до испраќање полузаканувачки, навредливи пораки. Морав да бидам во контакт со него поради процесот на разводот. Доживував напади на анксиозност кога ќе видев порака од него. Во моментот кога си заминував, сè запре, немав чувства за него како за маж. Тоа беше пекол за мене. Тоа беше такво психолошко малтретирање цела година. Без оглед на фактот што имаше нова партнерка. Од друга страна, ме уништуваше на дневно ниво“, изјави таа за „Адрија ТВ“.
Каја откри и дека нејзините родители не ја поддржувале врската со Никола Драгојловиќ.
„Мојот прв развод, кога си заминав со мало дете и се вратив кај моите родители, тоа ми беше престрашно. Тоа беше моето најлошо искуство што некогаш сум го имала. Моите родители беа против таа моја одлука, тие дури и не ја поддржуваа нашата врска. Во еден период, дури и не комуницирав со моите родители два или три месеци. И после сè, се вратив кај татко ми и кај мајка ми, со свиткана опашка, тоа беше пекол за мене.“
