– Продолжува ДОЛГИОТ период на стабилно, суво и сончево време повремено со мала до умерена локална облачност.
Исто така повремено и локално ќе има и позначителна облачност, но врнежи не се очекуваат. По одделни котлини и понатаму и тоа особено во ноќните, утринските и во претпладневните часови ќе има појава на магла и на ниска облачност.
Температурите наутро и понатаму понекаде ќе се спуштаат под нулата, додека максималните дневни температури и понатаму ќе бидат НАТПРОСЕЧНО ВИСОКИ и ќе се искачуваат во интервалот од 9 до 15 степени.
За време на новогодишната ноќ, како и во првите денови од новата 2023 година продолжува стабилното, суво и натпросечно топло време преку ден – вели метеопрогнозерот Славчо Попоски.
