– Изминатиот период сведоци сме на невообичаено студено време за месец април, но и на ЗНАЧИТЕЛНИ врнежи од снег, особено во соседна Србија каде во главниот град на оваа држава, Белград е соборен и Априлскиот рекорд кога се работи за снежни врнежи. Во Белград завчера беа измерени рекордни 19 см снег и тоа за април месец. На Копаоник пак наврнаа дури половина метар снег.
Кај нас во Македонија пак освен на планините, снег провејуваше и во градовите од западниот и од северозападниот дел од државава.
Токму ова е поради глобалното затоплување. Истото го топи мразот на Антарктикот, поради тоа доаѓа и до ладење на климата во Европа и на Балканскиот Полуостров. Во иднина во Европа и на Балканот снежните невремиња ќе бидат се почести, а студовите се поголеми и подолги, така е барем според последните направени анализи.
Инаку во следниот период кај нас очекуваме нови локални врнежи од дожд и снег, особено на планините, но и потпросечни температури на воздухот, што значи дека и понатаму ќе биде студено за месец април – вели метеопрогнозерот Попоски.
За повеќе метео информации следете го Фејсбук профилот на Славчо Попоски – ТУКА.
