САД денеска ја одбележуваат дваесет и првата годишнина од терористичките напади во Њујорк, кога два киднапирани авиони се урнаа во кулите близначки на Светскиот трговски центар на 11 септември 2001 година. Церемонијата за еден од најтрауматичните настани на денешнината почна со едно минутно молчење во чест на жртвите.
Светот ужасно гледаше како во терористичките напади на 11 септември 2001 година беа убиени речиси 3.000 луѓе кога киднаперите урнаа патнички авиони во кулите близначки во Њујорк, Пентагон и во едно поле во Пенсилванија.
Американскиот претседател Џозеф Бајден положи венец во Пентагон на 21-годишнината од најголемиот терористички напад во модерната историја.
– Никогаш нема да заборавиме, никогаш нема да се предадеме, рече Бајден. – Нашата решеност да спречиме нов напад врз САД е непоколеблива, додаде тој.
Тој ќе се обрати на комеморативна церемонија во Пентагон, а првата дама Џил Бајден ќе говори на Националниот споменик на летот 93 во Шенксвил, Пенсилванија.
Потпретседателката Камала Харис и нејзиниот сопруг ќе присуствуваат на комеморативна церемонија во Националниот меморијален центар 11 септември во Њујорк.
Најсмртоносниот напад во историјата на американско тло предизвика многу промени од безбедносен карактер, но и во битката против тероризмот.
Од тогаш преземени се широки воени, полициски и разузнавачки мерки за апсење и уништување на познатите терористички групи ширум светот, како и воено освојување на земји кои го поддржувале тероризмот – како Авганистан и Ирак.
Twenty-one years later, we keep alive the memory of all the precious lives stolen from us at Ground Zero, in Shanksville, Pennsylvania, and at the Pentagon. To the families and loved ones who still feel the ache, Jill and I hold you close in our hearts.
We will never forget. pic.twitter.com/IZlAmyone2
— President Biden (@POTUS) September 11, 2022
