Познатата музичка ѕвезда Зорица Брунцлик и истакнатиот хармоникаш Мирољуб Аранѓеловиќ Кемиш со децении важат за еден од најскладните парови на естрадата. Во брак стапија во 1985 година и оттогаш нивната љубов не била разнишана.
Со долгогодишен труд и посветеност, тие изградија вистинска империја, а нивниот дом наликува на оние од светските списанија.
Своето семејно гнездо го создадоа во Крњача, уредено по нивен вкус. Домот располага со пространо и убаво двориште, во кое има и базен. Во топлите месеци околу базенот се поставени лежалки, а целиот простор е опкружен со зеленило и високи дрвја кои обезбедуваат приватност.
Во дневната соба има голема трпезариска маса, додека спалната соба е уредена во луксузен стил – со голем брачен кревет со розови балдахини и свилени детали, како и комоди со ламби покрај него.
Бањата, во бело-окер нијанси, е исто така многу пространа. Забележлива е големата када, како и двата столба во грчки стил кои ѝ даваат посебен шарм на просторијата.
Сепак, Зорица најмногу време поминува во просторијата што ја нарекува тераса, каде има камин и удобен мебел. Ѕидот е украсен со кожа од леопард, подарок што го добила за време на престој во Јужна Африка.
„Во оваа просторија е сместена мојата кариера долга 47 години, како и делото на Кемиш како автор. Тука се сите мои награди. Најдрага ми е опанката од ‘Посело на Калемегдан’“, изјавила пејачката.
Таа објаснила дека ова признание се доделува за најслушаната песна во годината, кое го добила за песната „Ја знам“, додавајќи дека и двајцата се прогласени за национални уметници на Србија.
По 40 години љубов, парот ги обнови брачните завети токму во својот дом. Зорица за таа пригода избрала бел комплет купен во Виена, комбиниран со шешир украсен со бисери.
Неодамна, Брунцлик се врати и во музичкото шоу „Пинкови ѕвезди“, каде повторно го зазеде своето место по паузата, додека во меѓувреме ја заменувал нејзиниот сопруг.
Во едно телевизиско гостување, таа отворено зборуваше и за здравствените проблеми.
„Имав тешка операција, но сè помина успешно. Ги советувам сите навреме да одат на систематски прегледи. По педесеттата година задолжително треба да се прави колоноскопија“, изјави таа.
Брунцлик нагласи дека огромната поддршка од луѓето ширум светот ѝ помогнала да закрепне.
„Многу луѓе ми пишуваа, ме поддржуваа и се молеа за мене. Тоа ме разбуди и ми даде сила“, рече таа.
Таа посочи дека најголема поддршка добила од семејството, пријателите и сопругот, кој постојано бил покрај неа, дури и во болница.
