Синот на познатиот композитор Ендрју Лојд Вебер (74), Николас Вебер, почина од рак на желудникот. Имаше 43 години. Ендру ја потврди тажната вест на својот Твитер профил.
– Скршен сум што морам да соопштам дека мојот сакан постар син Ник почина пред неколку часа во болницата Бесингсток. Целото семејство е заедно и сите сме апсолутно очајни – напиша композиторот.
I am shattered to have to announce that my beloved elder son Nick died a few hours ago in Basingstoke Hospital. His whole family is gathered together and we are all totally bereft. -ALW
— Andrew Lloyd Webber (@OfficialALW) March 25, 2023
Николас 18 месеци се бореше со ракот на желудникот. Ендрју претходно изјави дека минува низ најтешките моменти во животот поради тешката болест на неговиот син.
– Целосно сум уништен што морам да кажам дека мојот најстар син Ник е критично болен. Како што знаат моите пријатели и семејството, тој се бори со рак на желудникот во изминатите 18 месеци и Ник сега е хоспитализиран – објави претходно Вебер на социјалните мрежи.
