Синот на актерот, бизнисмен и продуцент Рик Харисон, Адам, почина на 39-годишна возраст. Како што јавуваат странските медиуми, се сомнева дека причина за смртта е предозирање. Околностите за смртта на Адам се непознати, вклучително и кога и каде се предозирал.
Полициската управа во Лас Вегас потврди за TMZ дека истрагата за неговата смрт е отворена.
„Нашето семејство е крајно уништено од смртта на Адам. Ве молиме сите да ја почитуваат нашата приватност додека жалиме за неговата загуба“, рече портпаролот на Рик во име на семејството Харисон.
Адам беше второ дете на Рик Харисон и неговата поранешна сопруга Ким.
Рик на својот Инстаграм објави фотографија со починатиот син проследена со потресните зборови – “Секогаш ќе бидеш во моето срце! Те сакам Адам!”.
View this post on Instagram
Инаку, Рик Харисон на јавноста ѝ е особено познат по реалното шоу “Pawn stars”.
