По тешко боледување попладнево почина пејачката Андријана Андреевска. На социјалните мрежи нејзините колеги се збогуваат од младата фолк пејачка.
Андријана, мајка на едно дете која во последниве три години се бореше со тешка болест – карцином на белите дробови остави траги во македонската народна музика со своите настапи на фестивалите и со песните ,,Лажно срце”, ,,Одисеја”, ,,Ти ми требаш”, ,,Жена сум пак” и многу други песни.
„Со голема тешка болка и неверување ја примивме оваа лоша вест, нашата драга и ценета почитувана колешка Андријана Андреевска не е повеќе дел од нашиот музички свет.
Неможам да сфатам сестро што се случи за вака одеднаш да не напуштиш. Зошто мораше млада и убава да ни заминеш без поздрав“, пишуваат нејзините пријатели и колеги на Фејсбук.
