По пишувањата на медиумите, Јелена Карлеуша неодамна одлучила да стави крај на долгогодишниот конфликт со својот колега Аца Лукас. Како доказ за тоа се наведува враќањето на спотот за песната „Банкина“ на официјалниот Јутјуб-канал на Карлеуша. Нумерата, објавена во 2017 година, беше повлечена кратко по премиерата, што тогаш ги разочара нејзините фанови. Денес видеото повторно е достапно и брои над 32 милиони прегледи.
Карлеуша, која веќе три децении е дел од музичката сцена, ја доби улогата на член на жирито во популарното шоу „Пинкови ѕвезди“.
Сопственикот на „Пинк“, Жељко Митровиќ, откри дека преговорите со пејачката минале лесно, но додал и дека во договорот вметнал одредени услови.
„Не беше премногу барана околу договорот, но јас инсистирав да стои клаузула дека не смее експлицитно да спомнува или покажува полови органи“, изјави Митровиќ.
