Петар Грашо ретко зборува за приватниот живот, но по концертот на сплитската Рива, во пресрет на прославата на Свети Дујам, отворено проговори за сопругата Хана Хуљиќ Грашо, нивните деца и големата поддршка што ја добиваат од семејството Хуљиќ.
Од првите редови на концертот го следеле Хана, ќерката Алба, синот Тони, како и бабите и дедовците, а токму семејството, како што вели пејачот, денес му е најважно во животот.
„Човек е растоварен онолку колку што му е растоварен партнерот и колку што самиот си го прави животот лесен. Ние сме луѓе кои се насочени кон важните работи. Не сме луѓе што живеат од озборувања, ниту пак одиме по настани само за да нè фотографираат. Живееме живот што и мене и нејзе ни одговара, а тоа е далеку од камерите“, изјавил Грашо.
Тој додал дека со Хана делат слични интереси и вредности, а најмногу уживаат во секојдневните моменти со децата.
„Сакаме слични работи, слична музика и ги имаме тие две мали палавковци кои постојано ни се врткаат околу нозете, па тоа е нашиот главен фокус. Се сакаме и уживаме да бидеме со луѓето што ни се блиски“, искрено рекол пејачот.
Грашо посебно ја пофалил Хана, за која вели дека е целосно посветена на децата, но и нејзините родители Тончи и Вјекослава Хуљиќ, кои им се огромна помош во секојдневниот семеен живот.
„Јас често патувам, Хана е тука буквално 24 часа дневно, а бабите и дедовците се секогаш со нас. Најважно е што уживаат во целиот процес и не бегаат од обврските“, објаснил тој.
Пејачот открил и дека ужива да соработува со Тончи и Вјекослава Хуљиќ на нови песни, опишувајќи ги како едноставни и пријатни луѓе за работа.
Инаку, Петар Грашо и Хана Хуљиќ Грашо се венчаа на почетокот на 2022 година во Сплит. Неколку месеци подоцна ја добија ќерката Алба, а кон крајот на 2024 година и синот Тони.
