Портпаролот на Путин, Дмитриј Песков изјави дека се подготвува одговор на одлуката за воведување плафон за цената на нафтата во ЕУ.
„Одлуките се подготвуваат. Едно е јасно: нема да признаеме никакви плафони“, нагласи портпаролот на Кремљ, пренесуваат руските медиуми.
Претходно, земјите од Г7 (Велика Британија, Германија, Италија, Канада, Франција, Јапонија и САД) и Австралија се договорија за воведување максимална цена на руската нафта што се испорачува по морски пат од 5 декември, по 60 долари за барел.
Од денес, Европската унија ќе престане да ја прифаќа руската нафта што се транспортира по морски пат, а земјите од Г7, Австралија и Европската унија ќе воведат ограничување на цената на нејзиниот поморски транспорт на договорено ниво.
Според вицепремиерот на Руската Федерација Александар Новак, Русија нема да донесе таква одлука и едноставно ќе престане да ја испорачува својата нафта на оние држави кои ја поддржале одлуката.
