Предмети во вредност од илјадници фунти се украдени при грабежот во луксузниот дом на Дејвид и Викторија Бекам во западен Лондон, објавија британските медиуми. Се верува дека грабежот се случил доцна во вечерните часови на 28 февруари додека Бекамови биле во неа со нивната 10-годишна ќерка.
Според „Сан“, кражбата не била откриена додека синот Круз Бекам (17) не се вратил дома од ноќно излегување и видел скршен прозорец и ограбена спална соба. Портпаролот на лондонската полиција потврди за медиумите дека околу полноќ на 1 март, полициски службеници одговориле на извештаите за кражба во куќа во областа W11 во Кенсингтон.
Тој додал дека се пријавени неколку предмети за украдени. Се уште нема уапсени, а истрагата е во тек. Според „Сан, меѓу украдените предмети има дизајнерски и електрични предмети во вредност од илјадници фунти.
