Името Мат Киатипис молскавично стана светски познато, тој ја достигна својата слава преку автентичниот начин на играње улична кошарка „1 на 1“. Киатипис е брутален, агресивен, драматичен, тоа го прави различен и впечатлив, посебно кај младата публика.
Особено е познат по 1-на-1 улични кошаркарски предизвици, кои ги снима и ги објавува на Тикток, Инстаграм и Јутјуб. Мат се обидува 1-на-1 кошарката да ја претвори во глобален спортски формат, па патува низ различни земји и предизвикува локални кошаркари. Има огромна публика на социјалните мрежи. Во 2024 година се пријавил за НБА-драфтот, но не бил избран.
Со своето спортско шоу патува насекаде низ светот, а деновиве пристигна и во Македонија.
Спортистот играше во СЦ „Јане Сандански“ во Скопје и во Куманово, каде бројна публика го поддржуваше на трибините.
Досега сум посетил 50 земји, но искрено денеска беше највпечатливот настан за мене и мојата кариера. Успеавме да ги срушиме бариерите за регуларниот уличен баскет и да покажеме дека прекрасниот натпревар „1 на 1“ е професионална арена. Да се направи ова во земја надвор од Америка, ова е голем успех. Од дното на срцето сакам да му се заблагодарам на Скопје, ќе се вратам! – напиша тој.
За Киатипис е познато дека е од Грција, а живее во Канада, но она што е интересно и што ја изненади јавноста е неговата изјава за тоа дека има потекло од Македонија.
„Никој не знае дека сум половина Македонец. Мојата баба Нада се презива Тасевска, а дедо ми Ристовски“, рече Киатипис во изјава за јутјуберот Лазаров.
Тој објасни дека македонското потекло е од страната на неговата мајка и дека доаѓањето во Македонија за него има и емотивна страна, не само спортстка возбуда како и секаде каде што оди.
„Сакам да бидеме на чисто дека овде освен што сакам да направам искуство, посебно е чувството да бидам од кај што се моите корени. Мојот татко е од Лерин, но конечно дојде ред да ги видам моите корени и од страната на мојата мајка“, додаде тој.
Во разговорот тој даде и позитивни зборови за Македонија, велејќи дека тука има најдобра храна, а како мал омилено јадење му било тавче гравче, додека сега, како што рече, обожува ракија.
View this post on Instagram
