Лила Филиповска важи за една од најуспешните телевизиски водителки во Македонија, но и за една од највлијателните македонски личности на социјалните мрежи. На својот профил на Инстаграм, каде што ја следат повеќе од 230.000 корисници, таа редовно споделува моменти од секојдневието и своите патувања.
Овојпат, Филиповска ги почести следбениците со низа фотографии од одморот во Бодрум, едно од најпознатите летувалишта на турското крајбрежје.
На објавените фотографии, водителката позира покрај море, на плажа и во базен, а покажа и дел од атмосферата во хотелот во кој престојува. Сончевото време, палмите и погледот кон Егејското Море се само дел од кадрите што ги сподели од своето патување.
Особено внимание привлекуваат нејзините летни модни изданија. На дел од фотографиите Филиповска позира во црн едноделен костим за капење, додека за плажа избрала и модел со впечатливи исечоци.
Во друга комбинација носи долга проѕирна наметка во кафеави и беж нијанси, надополнета со очила за сонце и мала чанта.
Не изостанаа ниту поелегантните изданија. За вечерните моменти покрај морето, Лила избрала црн фустан без прерамки, кој го надополнила со златни детали и впечатливи обетки во форма на морска ѕвезда.
