Ќерката на пејачот Харис Џиновиќ, Џина Џиновиќ, остро ги критикуваше луѓето од своето опкружување и естрадата поради бесмисленото трошење пари на скапа секојдневна облека.
Одговарајќи на прашања на Инстаграм за тоа каде купува секојдневни парчиња гардероба, таа откри дека едноставните работи ги купува во обични, пристапни продавници.
„Колку и да сакам брендирана облека, бесмислено ми е да дадам пари за обична маица или фармерки кои со ист квалитет можам да ги купам било каде. Не ми е нормално да дадам 450 евра за обична бела маица, како што прави половина од моето опкружување. Тоа е глупост. Не е работата во тоа дали имаш пари за расфрлање, туку во принципот, да знаеш за што вреди да потрошиш, а што е чист глупост“, порача Џина.
Таа исто така откри дека една познаничка се обидела да ја омаловажи нарекувајќи ја „Miss highs and lows“ бидејќи комбинира евтина облека со луксузни брендови, но Џина истакна дека не планира да го менува својот став:
„Колку и да имам пари и да сум во можност да ги ‘фрлам’ на што сакам, нема да ги давам за обични парчиња. За мене тоа е лудост и чисто безобразие кон сопствените пари“.
