Претседателот Стево Пендаровски се огласи на социјалната мрежа Фејсбук објаснувајќи дека ги следи реакциите на загрижени граѓани кои и лично го контактирале вчеравечер и дека ги разбира нивната вознемиреност и гнев.
Во објавата тој истакна дека „никој не смее да биде казнет поради непроменета возачка дозвола и возачка книшка без вина на граѓаните и кои не се истечени во поглед на нивниот рок на важност сметано од издавањето, особено не за учество во сообраќајот во рамките на територијата на нашата држава“.
Пендаровски, преку фејсбук-објавата, побара од парламентарните политички партии веднаш да донесат измени на Законот за безбедност на сообраќајот на патиштата и соодветните норми во други закони што ја регулираат оваа област.
