Ник Картер, член на популарниот бенд „Бекстрит бојс“, е обвинет за силување малолетно девојче во 2001 година, беше соопштено на вчерашната прес-конференција на наводната жртва и нејзините адвокати.
Шенон Шеј Рут, која денес има 19 години, тврди дека пејачот сексуално ја нападнал кога имала само 17 години.
„Последните 21 година беа исполнети со болка, збунетост, фрустрација, срам и самоповредување како резултат на силувањето од Ник Картер“, рече Шенон, додавајќи:
И покрај тоа што сум аутистична и живеам со церебрална парализа, верувам дека ништо немало поголемо влијание врз мене и дека ништо нема потрајно влијание врз мојот живот од она што го направи и ми рече Ник Картер.
Шенон понатаму тврди дека Ник ја навредувал и повредил.
– Откако ме силуваше, се сеќавам дека ме нарече ‘ретардирана кучка’, ме зграпчи за рака и ми остави модринки на раката. Се обиде да ме исплаши и да ме замолчи.. Беше груб и се закануваше. Само затоа што Ник Картер е славна личност не значи дека може да биде аболициран од неговите злосторства, рече Шенон.
Нејзиниот адвокат рече дека има уште три анонимни жени кои исто така поднеле тужба против Ник.
– Тој има долга историја на злоставување жени – изјавил адвокатот и додал дека Рут бара правда и сака да ги заштити другите жени.
Пејачот допрва треба да ги коментира наводите, кои доаѓаат само неколку недели откако неговиот брат Арон Картер беше пронајден мртов.
