Од попско пеење, желбата за музика и творење ја преточи во поп-рок прифатлив за сечие уво.
Џо е роден во Скопје 1996 година на 5ти мај, со музиката е од најрани нозе. Има свирено во многу бендови во нашата земја на концерти и свирки. Неговиот прв албум го издаде минатата година на 3-ти јануари на англиски јазик со наслов „Goodbye“. Има издадено три ЕП – ија и многубројни синглови. Оваа година ќе вади нов албум на српско-хрватски јазик кој ни го преставува со неговиот нов сингл „Reci mi“. На оваа песна му гостуваат: Драган Гиновски на електрични гитари, Стефан Митев на бас и Јан Стефановски на тапани. Пропратните вокали ги испеаја Наташа Миха и Мартина Митревска.
Александар Џо неговото средно образование го започна на Богословија – Св. Климент Охридски во Драчево, но не стана поп. Се презапиша и заврши средно Економско и продолжи по патот на економијата, а магистрираше на УТМС. За време на неговите студии тој го отвори и негово студио „BlueTown Studios“ каде ги снима неговите материјали за издавање и каде што снимаат многу други музичари.
Желбата за музика и творење, од попско пеење, ја преточува во фин поп – рок, прифатлив речиси за секое уво. Но, бидејќи сметтката дома и на пазар не е иста, планираниот видео запис за насловната песна „Реци ми“ не е реализиран на начин на кој Џо сакал. Имено, овој спот е само комбинација од бесплатни видеа кои ги нудат сајтовите. Затоа, ветува Александар, ќе ни се „раздолжи“ со достоен видео запис за наредниот сингл.
