ЖЕНА ГЕНИЈ: Која била мајката на Никола Тесла?

Мајката на Никола Тесла, иако необразована, имала фотографска меморија. Направила многу предмети и алатки за домаќинството, а според зборовите на Тесла: „Она што го гледа со очите, може да го создаде со раце“. И по што друго била позната Георгина Џука Тесла?

Георгина Џука Тесла, мајката на Никола Тесла е родена во Томингај, во семејството на српскиот православен свештеник Никола Мандиќ и Софија Мандиќ, од Грачац во Лика.

Како многу млада жена, Георгина морала да се грижи за шест браќа и сестри, бидејќи нивната мајка починала многу рано. Ова ја спречило оваа извонредна жена да оди на училиште и да го развие својот дар во поголема мера.

Тесла секогаш зборувал за неа со посебно воодушевување и сметал дека од неа го наследил иноватоскиот дух како и фантастичната моќ на меморијата. Можела да изработи и истражува разни предмети за домаќинството, и била позната низ целата област по своите ракотворби.

Иако не знаела да чита, многу сакала поезија и знаела напамет многу српски народни песни и извадоци од „Горски венец“ на Његош. Секогаш им помагала на болните и немоќните.

Според линијата од страната на нејзината мајка, Георгина била потомок на Будисавjeвиќ, семејство чии два члена во 18 и 19 добиле благороднички чинови од австриските императори врз основа на нивните воени заслуги. Од таа причина, семејството уживало во угледот.

Џука била столб на домот. Го чувала секој агол под конец, правела алатки, ткаела, везела. Посветила многу внимание на воспитувањето на децата, ги научила да бидат добри луѓе и милостиви кон своите соседи.

Од истата поширока фамилија на Будисавjевиќ, од која потекнувала мајката на Георгина е и Јованка Будисавјевиќ Броз, последната сопруга на Јосип Броз Тито. Нивниот заеднички предок бил Тошо, прадедото на чичкото Томо Будисавjeвиќ, кој во 1811 година добил почесен орден од Наполеон.

Јованка Броз во една прилика зборувала за Тома Будисавjевиќ и нејзините семејни врски со Никола Тесла

„Тесла е мојот братучед по неговата баба по мајка. Бабата на Тесла се викаше Софија Будисавjeвиќ и е роднина на татко ми. Родена е во куќата каде што се родив јас во селото Пежани. Се омажила за Мандиќ. Тоа е дедото на Тесла. Софија ја родила мајката на Тесла по име Шука. Според мајката и бабата на Тесла, Тесла е моја роднина. Моето семејство постојано ги одржуваше тие семејни врски со таткото на Тесла, Милутин Тесла. Бил свештеник во селото Смилјан во Лика, кај Госпиќ. Татко ми отиде во Америка како млад човек. Не го избрка бедата, туку неговите чичковци беа таму. Татко ми често го гледаше Тесла во Америка и ни кажуваше за тоа“.

За време на престојот во Париз, Никола Тесла добил вест дека неговата мајка била тешко болна. Поради тоа, тој ги прекинал закажаните предавања и веднаш отишол во Госпиќ. Георгина починала на 4 април 1892 година, на 71-годишна возраст.

Извор: 24sedam

Слични објави

ПРИРОДЕН РЕЦЕПТ: Мед и лук за подобар имунитет

Еспресо

ИСТРАЖУВАЊЕ: Луѓето кои јадат повеќе млечни масти имаат помал ризик од срцеви заболувања

И. Т.

ДНЕВЕН ХОРОСКОП ЗА 24 СЕПТЕМВРИ: Некои разговори можат да придвижат нови интереси

И. Т.

Кој е индискиот гуру Моханџи чии следбеници се Новак Ѓоковиќ и неговата сопруга Јелена

И. Т.

ШТО ЗНАЧИ КОГА СОНУВАТЕ ДЕКА ПАЃАТЕ: Психолозите имаат објаснување

И. Т.

(ВИДЕО) СЕВЕРИНА Е БЕСТРАШНА: Ми рекоа дека тоа можело да ме убие

И. Т.
Се вчитува....