Поп ѕвездата Лејди Гага неодамна се присети на турнејата „The Monster Ball“ поради која банкротирала, откривајќи дека не ни знаела дека нема пари.
Таа одржа турнеја во 2010-та година, кога беше надалеку позната како светска ѕвезда, сето тоа благодарение на хитовите кои беа меѓу најслушаните во тој период. Полнеше стадиони и сали ширум светот. Музичката ѕвезда истакна дека не била свесна за она што се случувало.
-Јас всушност банкротирав откако за прв пат ја продолживме турнејата „The Monster Ball“. И беше смешно затоа што не знаев, призна таа.
Таа ги дознала лошите вести од нејзиниот тим:
-Се сеќавам дека им се јавив на сите и реков:
„Зошто сите велат дека немам пари? Ова е смешно, имам пет синглови број 1.“ И ми рекоа „Па, должиш 2,6 милиони евра“.
Пејачката неодамна ја прекина двегодишната врска. Извори за светските медиуми објавија дека причина за пропаѓањето на долгата врска била нејзината желба за брак и семејство, додека нејзиното поранешно момче Мајкл Полански ги немал истите амбиции.
