Концертот на Јелена Томашевиќ во Домот на културата во Бар синоќа беше прекинат откако на пејачката ѝ се слошило за време на настапот.
Популарната пејачка отпеала само една песна пред преполната сала, а за време на изведбата на втората нумера концертот бил прекинат. Според присутните, Јелена ненадејно клекнала на колена на сцената, по што членовите на нејзиниот бенд ѝ помогнале да ја напушти бината.
Од локалните медиуми е потврдено дека таа била пренесена во Итната медицинска помош, а потоа и во болница за понатамошни прегледи.
Публиката била известена дека поради здравствената состојба на пејачката концертот се прекинува.
Настапот беше организиран по повод Меѓународниот ден на жената – 8 Март, како подарок од Општина Бар за дамите, со концерт на една од најпрепознатливите регионални музички ѕвезди, која веќе две децении ја освојува публиката со своите интерпретации.
