Ѓина Џиновиќ (20), ќерката на пејачот Харис Џиновиќ, деновиве престојува во Дубаи, од каде што редовно објавува содржини на социјалните мрежи.
Таа сподели фотографии и видеа од хотелскиот комплекс во кој е сместена, со поглед кон Бурџ ал Араб.
Младата инфлуенсерка најпрво излегла на вечера, а потоа посетила локален бар каде што, како што може да се види од објавите, уживала во коктели. Подоцна се вратила во хотелот и решила да си посвети време на нега на лице, по што заминала и во фризерски салон.
„Мојот омилен тим“, напиша таа во една од објавите, додека фризер ја стилизирал нејзината коса, а друга вработена ѝ правела масажа на рацете.
Во меѓувреме, медиумите шпекулираат дека Ѓина повеќе не живее во Србија и дека се преселила во Шпанија поради емотивна врска. Според неофицијални информации, таа одлучила да се пресели во Барселона, каде што наводно живее нејзиниот партнер.
Нејзиниот татко, Харис Џиновиќ, неодамна изјави дека заминувањето на ќерката го доживува како природен чекор во животот, додавајќи дека не сака да зборува за семејните детали.
Ѓина и понатаму останува активна на Инстаграм, каде што ги споделува своите секојдневни активности и патувања.
