Пејачката Мина Костиќ и нејзиниот вереник Мане Ќурувија Каспер го направија следниот чекор во нивната врска и се огласија со соопштение за новитетите.
Иако Каспер во моментов е во Америка, тие не престануваат да планираат, како приватно, така и професионално, и открија дека планираат да напишат книга во која ќе ја раскажат целата заедничка приказна.
„Драги наши, врз основа на сè што ние двајца поминавме заедно – од осуди и навреди до лаги и клевети – ви ја должиме оваа книга која ќе се вика ‘Ние’. Ова е приказна за нас, но и приказна во која ќе се пронајдат сите оние кои веруваат во вистинска љубов и вистински животни вредности. Љубовта е најголема сила и моќ која на крајот секогаш ги победува сите лаги, навреди и неправди“, порачаа тие преку Инстаграм.
Неодамна Каспер откри и дека станал менаџер на Мина и објасни што значи тоа за него:
„Да бидеш менаџер на саканата жена не значи да ја водиш наместо неа, туку да веруваш во неа без калкулации, да ја подигнеш кога ќе падне, да го заштитиш нејзиниот мир. Да бидеш нејзин сојузник, а не нејзин судија. Вистинската сила на мажот не се мери со контрола, туку со способноста да сака без страв и да ја поддржува својата жена без его“, напиша Каспер на Инстаграм, по насловите дека Мина профитирала од врската со него.
„На секоја жена ѝ е потребен маж кој ќе ѝ биде прва и вистинска поддршка, поддршка за цел живот“, додаде тој во објавата, која веднаш ја презеде и Мина на својот профил.
