Инфлуенсерката Миа Костова го спомена таткото на нејзиниот син Андрија и искрено раскажа во каква релација се.
Миа гостуваше во емисијата „Нешто конретно“ со Снеже Велков на која тема беа предрасудите, и искрено зборуваше за нејзиниот син и неговиот татко, со кого таа никогаш не била во брак.
– Андрија има контакт со татко му, тој функционира со татко му. Така што, јас не сум имала многу што да објаснувам. Сметам дека во ова поново време голем број од децата се деца на разведени родители.
Не е којзнае каков проблем во денешно време мама и тато да не живеат заедно. Од тој аспект, Андрија растеше со приказната дека живее со мене, меѓутоа, татко му не живее со нас. И немав никаков проблем – рече Миа.
Потоа, таа рече дека никогаш не ги демантира невистините кои се зборуваат и се пишуваат за неа, затоа што најдобар „удар“ за тие што ги пласираат е игнорирањето. Сепак, има некои коментари кои ќе ја заболат, особено ако се работи за дете, па тогаш им се спротиставува.
