Пејачот Мирослав Илиќ, иако во текот на долгата кариера патувал речиси низ целиот свет, никогаш не криел дека единственото вистинско прибежиште за него е Србија и тоа неговото родно село Мрчајевци, каде, како што открил, еден ден сака и да биде погребан.
Како што самиот раскажал, Мирослав и неговата сопруга Гордана веќе купиле и оградиле гробно место на гробиштата во Мрчајевци, недалеку од местото каде почиваат неговите родители.
– Со сопругата веќе оградивме парцела на гробиштата во Мрчајевци. Некои луѓе имаат проблем да зборуваат за тоа, јас немам. Близу гробот на мајка ми и татко ми оставив место. Беше важно да биде во Мрчајевци, каде ќе одам. Секако, почит за Алејата на заслужните граѓани и сè друго, но јас секогаш го одбирам Мрчајевци – искрено рекол пејачот.
На тој начин јасно ставил до знаење дека не сака да почива во Алејата на заслужните граѓани, туку таму каде што се неговите корени и семејството.
„Ако ја изгубиме традицијата – нема ништо“
Познатиот пејач никогаш не криел загриженост поради запоставувањето на народната и традиционалната музика, сметајќи дека јазикот, обичаите и културата се последната линија на одбрана на идентитетот.
– Технолошки сме поробени веќе педесет години. Единственото што можеме да го сочуваме е јазикот, традицијата и обичаите. Ако тоа го изгубиме, тогаш сме ништо – порача Мирослав, повлекувајќи паралела со Франција, каде светски поп-изведувачи се подеднакво почитувани.
