Не може да биде виновен додека не се докаже дека е невин. Затоа што очигледно сме среде сезоната на лов на вештерки, изјави Илон Маск во врска со обвинувањата против Расел Бренд за силување на четири жени.
„Сѐ што треба да направите е да ве наречат вештерка за да станете вештерка и да ве изгорат “, рече Маск.
Бренд е обвинет за силување четири жени, напад и емоционална злоупотреба во периодот од 2006 до 2013 година. Тогаш бил на врвот на својата слава, работејќи за Би-Би-Си, Канал 4 и глумејќи во холивудски филмови. Една од жртвите која го обвинила Расел имала само 16 години кога актерот ја злоставувал.
Маск додаде дека „не можеме да ги уништиме животите на луѓето додека постои потенцијално лажно обвинение“.
Тој исто така тврдеше дека „јавноста треба да се запраша зошто наводите против комичарот излегоа на виделина сега, бидејќи Бренд ги тресе кафезите на моќниците“.
„Се чини како чудна случајност што ова се случува токму сега кога Расел навистина добива на сила, предизвикувајќи голем дел од конвенционалната мудрост“, смета Маск.
„Нема теории на заговор кои не се покажаа точни“, додаде тој, а потоа се пожали дека и тој бил „обвинет во минатото“.
