Пејачката Мараја Кери го најави враќањето на нејзиниот празничен хит „All I Want For Christmas Is You“ додека се опуштa во пенлива купка.
Таа сподели кратко видео во кое нејзиното дете ѝ кажува дека сака да ја слушне „All I Want“, мислејќи на нејзината песна „All I Want For Christmas Is You“.
– Уште не – му одговара пејачката на детето, кое подоцна ја прашува дали може барем да ја украси елката.
Инаку, „All I Want For Christmas is You“ секоја година е најслушана песна за божиќните празници и е задолжителна на сите листи со божиќни песни. Снимена е во далечната 1994 година, а веднаш по промоцијата овој светски хит се најде на врвот на музичките топ листи. Тоа се повторува секоја година околу Божиќ.
И покрај тоа што поминаа 26 години од објавувањето на оваа песна, пејачката секоја година заработува вртоглава сума на својот најголем божиќен хит – само во 2018 година „All I Want For Christmas Is You“ ѝ донесе 625.000 фунти, пренесува Mirror.
View this post on Instagram
