„Ако некое музичко дело го допре моето срце, ќе го допре и вашето. Оваа прекрасна музика ми дозволува да внесам радост во животот и смеа во светот. Сѐ е дозволено на моите концерти: смеење, плачење, танцување, пеење. Емоциите се тајната на мојот успех“, вели sветската ѕвезда Андре Риу, познат како „современиот крал на валцерот од Австралија до Мексико.
Toj, на 23 ноември (среда) ќе одржи концерт во арената „Борис Трајковски“ во Скопје, a доаѓа со неговиот 60-член „Јохан Штраус оркестар“, најголемиот приватен оркестар на светот.
Риу годишно одржува по 100 концерти, на кои изведува познати композиции со меѓународни солисти.
„Со повеќе од 40 милиони продадени албуми, 30 први места на топ-листите и со 500 платинести изданија, Риу е вистински маестро на публиката, како што го нарекува „Њујорк тајмс’“, велат од „Пасворд“.
