Без разлика дали сте родители, или имате мало бебе или дете во семејството сигурно досега барем еднаш сте ја слушнале оваа заразна детска песна. Популарната детска песна за бебето ајкула, „Baby Shark“, стана првото видео на „ЈуТјуб“ со 10 милијарди прегледи.
Во ноември 2020 година „Baby Shark“ стана најгледаното видео на популарната платформа за стримување, а сега ја надмина волшебната бројка од 10 милијарди прегледи.
Детската песна што ја осмисли јужнокорејската образовна фирма „Пинкфонг“ ја изведе корејско-американската пејачка Хоуп Сегоин дебитираше во 2016 година и стана вирален хит во Азија, но не влезе во колективната свест на Американците сè до 2019 година.
Оттогаш е претворена во ТВ-емисија, „Житарици“, програма во живо и навивачка песна на бејзбол-играчите од Вашингтон во текот на нивната сезона на освојување на светската серија. Таа дури во еден момент стигна до Топ-40 на Билборд.
Најгледаното видео на „Јутјуб“ покажува две вистински деца кои демонстрираат танц на бебе ајкула, додека анимирана ајкула и нејзиното семејство, вклучувајќи го и дедото со мустаќи на ајкула, мирно пливаат и подоцна се обидуваат да ги фатат децата. Сепак, тие не успеваат и децата ја слават својата безбедност додека ајкулите гледаат од далеку.
