Сталоне е во опасност да го загуби добар дел од богатството поради разводот, бидејќи не склучил предбрачен договор со сопругата.
Актерот Силвестер Сталоне може да изгуби добар дел од своето богатство како последица на разводот од сопругата, манекенката Џенифер Флавин, бидејќи предбрачен договор меѓу нив не бил склучен, пренесува TMZ.
Постапката за развод на Силвестер Сталоне и Џенифер Флавин продолжува и покрај гласините за помирување на сопружниците. Сталоне и Флавин одлучиле да ги прекинат правните постапки со цел приватно да разговараат за финансиската страна на прашањето.
„Страните се согласуваат дека е во нивен најдобар интерес, поединечно и уште поважно, колективно како семејство, да ги решат сите прашања поврзани со раскинувањето на нивниот брак на достоинствен, пријателски и приватен начин, надвор од судот“, стои во документите објавени од Тмз.
Кон крајот на август годинава во медиумите се појави информација дека Џенифер Флавин поднела барање за развод од Силвестер Сталоне по 25 години официјален брак, обвинувајќи го актерот за трошење на семејниот буџет. Новинарите сугерираа дека парот се развел поради ротвајлерот по име Двајт, но Сталоне ја демантираше оваа гласина. Тој објасни дека вќе тргнале „во различни насоки“, но подеднакво нагласи и дека не ги потрошил нивните заеднички заштеди.
