Победничката на „Задруга“, Кија Коцкар, која во 2018 година се разведе од пејачот Слоба Радановиќ, повторно го привлече вниманието на јавноста. Иако од нивниот развод поминаа осум години, нивниот однос и денес е тема на коментари.
Овојпат, Кија ја спомена поранешната свекрва Драгиња, осврнувајќи се на актуелниот скандал во семејството Бекам, за кој деновиве зборува целиот свет.
Имено, синот на Викторија и Дејвид Бекам, Бруклин, неодамна откри дека неговата мајка непримерно танцувала на неговата свадба. Токму тоа беше повод Кија да даде ироничен коментар.
„Драгиња го направи тоа прва. Извини, Викторија Бекам“, напиша Кија Коцкар на Икс.
Слоба Радановиќ денес е во среќен брак со сопругата Јелена, со која го има синот Дамјан. Неговата мајка Драгиња, како што е познато, има одличен однос со снаата.
Сепак, Драгиња никогаш не криела дека со Кија не била во добри односи. За време на „Задруга 1“ таа јавно изнесуваше низа остри коментари на нејзина сметка.
„Кија го уништи Слоба. Мојот син страдаше откако се венчаа, затоа што уште тогаш виде дека тој брак нема да успее. Имаме стан во Зрењанин каде што можеа да живеат кога ќе дојдат од Белград. Година и пол стоеше празен, затоа што таа не сакаше да бидат заедно таму. Кога ќе дојдеа, тој беше кај нас, а таа кај нејзината мајка. Па каков е тоа брак? Јас повеќе не ја поддржувам таа врска.“, изјави тогаш Драгиња.
Таа откри и дека проблеми постоеле уште на самата свадба.
„По венчавката, таа не најде време следниот ден да дојде и да се јави кај нашето семејство. Имавме роднини што не беа од Зрењанин, а таа не сакаше ни да се запознае со нив. Немаме ниедна фотографија со синот од неговата свадба. Не знам зошто е таква. Да беше нормална, ќе ја чував како капка вода на дланка. Немаше да ја терам ни да пере ни да готви. Можеби сака луксуз, но не пораснала во богатство, а ни во нашата куќа ништо не недостасува“, изјави тогаш мајката на Слоба за „Информер“.
