Премиерот Санчез има интересна идеја за заштеда на електричната енергија и заштита на животната средина, а поврзана е со – вратоврската.
Шпанскиот премиер Санчез упати поканата до вработените да се облекуваат понеформално за да не ја трошат се поскапата енергија. Меѓу другите предлози, климатизерот да не работи на помалку од 27 степени, а греењето да биде на 19 степени на јавни места.
Со лежерен стил да се сочува животната средина: последниот апел да се носи понеформална облека во лето дојде од шпанскиот премиер Педро Санчез, кој во петокот вечерта се појави на прес-конференцијата без вратоврска и ги повика сонародниците да го следат неговиот пример со оглед на планот за мерки за заштеда на енергија што Мадрид се подготвува да го започне.
„Ги замолив министрите, сите вработени во јавниот сектор, а би сакал да го замолам и приватниот сектор, ако веќе не сте го сториле тоа, да не се носи вратоврска кога тоа не е потребно“, рече социјалистот. Зборовите на Санчез одекнаа на ден кога во Мадрид беше 36 степени, а во Севиља 39 степени.
Шпанија не е првата земја што прави ваков избор: од 2005 година Јапонија ги поканува работниците да ги остават своите костуми дома во лето во јавните канцеларии, со порастот на температурите од 25 на 28 степени, а во 2011 година ја започна кампањата „Супер Кул Биз“ (во превод „супер кул бизнис“) за промовирање на секојдневна облека во најжешките периоди. Во Британија, неодамнешниот топлотен бран го поттикна Долниот дом да го отстрани условот за носење сако за пратениците.
