Распродадени се пет концерти ,,Песни за љубов и копнеж” со Каролина, Дуке и Исмаил.
Македонската публика утре ќе има ретка можност во живо да слушне песни кои имаат есенцијална вредност. Концерти се планирани и на 24 декември, а потоа и наредниот ден на 25 декември.
Албумот ,,Песни за љубов и копнеж” има 11 песни, едни од најубавите, подзаборавени македонски композиции потпишани од некои од некои нашите најмаркантни автори: Драган Ѓаконовски Шпато, Димитар Масевски, Тодор Бојаџиев, Љубомир Бранѓолица…
После бројни настапи и соработки на Каролина, Дуке и Исмаил, идејата за овој албум се роди во 2016 година, по што внимателно се работеше на неговиот концепт, бирање на композициите и создавање нови аранжмани, со фокус на тоа да им се даде „нов живот” на некои од најубавите песни на домашната забавна музика.
